Comeza a campaña electoral
O luns 17 de marzo comeza a campaña electoral das eleccións sindicais PTXAS funcionario UVigo 2025.
Desde ese día ata o día 25 de marzo, no que remata a campaña, intentaremos estar cerca de vós explicándovos todas as propostas que levamos no noso programa electoral.
Desde esta candidatura, asumimos con total responsabilidade a defensa dos intereses do noso colectivo, coa capacidade de impulsar aquelas propostas que consideramos necesarias para mellorar as nosas condicións laborais.
Ti tamén contas.
Temos oídos para todos os membros do colectivo PTXAS. Os valores que nos inspiran son a transparencia na negociación e a participación activa de todas as persoas na toma de decisións.
Se tes calquera preocupación, queres compartir unha inquedanza ou simplemente coñecer máis sobre o noso traballo, estamos aquí para escoitarte e acompañarte.
O noso compromiso
O día a día no traballo é esixente e en moitas ocasións aparecen dúbidas, inquedanzas ou sensacións de inxustiza que non sabemos como afrontar de xeito individual. O apoio do colectivo é fundamental.
Desde esta sección, comprometémonos a que non vos sintades sós. O noso compromiso é escoitarvos, asesorarvos e defender os nosos dereitos para que todo o PTXAS teñamos unhas condicións laborais dignas e xustas.
Loitar polo que é xusto non é doado, pero nós temos claro que xuntos podemos facer moito máis do que cremos.
Este é o noso compromiso:
Escoitarte sempre.
Cada preocupación, idea ou proposta será tratada con seriedade, rigor e compromiso.
Ser transparentes.
Informaremos con claridade e honestidade de cada paso que deamos, porque a confianza se constrúe desde a sinceridade e a transparencia.
Defender os teus intereses.
Traballaremos para que as nosas reivindicacións cheguen con forza onde se toman as decisións importantes.
Compromiso colectivo.
A nosa representación estará ao servizo do beneficio común, baseándose na cooperación e o coñecemento compartido.
A Lámpada
A Lámpada é o recuncho dende o que FOL UVigo PTXAS ofréceche artigos, ideas e recursos informativos que che permitirán coñecer os nosos puntos de vista sobre aspectos clave:
-
Sobre o persoal TIC
O que segue son unhas liñas programáticas iniciais co obxectivo de abordar as necesidades do ATIC e de todo o persoal TIC na Universidade. Estas propostas buscan mellorar a estrutura,…
-
–
Invitatio ad participandum in candidatura dedita pro consilio personarum
Cari collegae Technici Administrationis et Servitii nostrae universitatis: Postquam mecum reputavi et cum pluribus vestrum collocutus sum, decrevi promovendum candidatum qui fortiter ac fideliter nostras sollicitudines ac necessitates in proximis…
-
–
A luz está no PTXAS
Próximamente: A luz está no PTXAS.
DÉIXATE VER.
TI TAMÉN CONTAS.
PTXAS adiante para dar forza aos teus dereitos
Únete a nós para impulsar o cambio na representación sindical da UVigo.
